 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Daroha viała na Laŭki.
Praź nivu.
Praź les.
Praź viaki.
Ciažarna ŭzdychała ralla.
Chrapłi na asiełicach koni.
Śvistała ŭ prastory Ziamla –
Kala niebaschiłu,
Kala
Toj žyłki, što bjecca na skroni.
Darohu
ŭzdymała
hara,
I tam, dzie daroha źnikała,
Nad viečnaj vadoju Dniapra
Stajaŭ nieruchomy Kupała.
Kaciłasia šlacham svaim
Raka –
Jak mahła,
Jak chacieła.
Byŭ strašny Kupała –
Na im,
Jašče davajennym, žyvym,
Śviatočna
kašula hareła.
Chistałisia cieni žudy
Ślapymi małankami ŭ zmroku...
Adzin tolki krok da vady!
Nia zrobić jon hetaha kroku.
Jon skuru ździare, jak łusku,
I rušyć na volny haściniec...
Jon projdzie jašče praz Maskvu
Pa ćmianych prystupkach haścinic.
Jon budzie na schodkach načnych
Śpiavać,
Zratavanych ad kułi
Siabroŭ abdymać –
I na ich
Śviatočna
zapalvać kašułi.
Jon budzie!
...Kružyła Ziamla.
Chrapłi na asiełicach koni.
Usio heta budzie – paśla.
Usio heta budzie – nikołi.
Paśla – u malbie i praklonach.
Nikołi – u spratach viny.
...Adzin
I adziny
Ź miljonaŭ,
Adzin i adziny,
spalony
Na rosstaniach smutnych
Vajny...
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
